Bugun Fransiya terma jamoasi himoyachisi Samuel Umtitining transferi haqida e'lon qilgan «Barselona» jamoasi yana bir fransiyalik himoyachini o‘z safiga qo‘shib oladi.

Kataloniyadagi TV3 telekanali tarqatgan xabarga ko‘ra, transfer huquqi «PSJ»ga tegishli bo‘lgan, o‘tgan mavsumni «Roma»da o‘tkazgan Lyuk Din «Barselona» futbolchisiga aylanadi.

Manbaning xabariga ko‘ra, tomonlar ushbu 22 yoshli futbolchining transferi bo‘yicha kelishuvga erishib bo‘lgan.

RMC Sport xabariga ko‘ra, transfer qiymati 20 million yevroni tashkil qiladi.

«Barselona» futbolchi bilan 5 yillik shartnoma tuzadi.

14 iyul kuni futbolchi Kataloniyaga kelishi va uning taqdimoti o‘tkazilishi rejalashtirilgan.

Chap qanotda o‘ynovchi futbolchi A seriyaning o‘tgan mavsumida 33 uchrashuvda maydonga tushib, 3 gol urgan va 3 marta golli pas muallifi bo‘lgan. U ko‘k-anorranglilar jamoasida Adriano Korreyyaning o‘rnini egallashi va Xordi Alba bilan raqobatlashishi kutilmoqda.

Bundan oldinroq, jamoa o‘ng qanotda o‘ynagana va jamoani tark etgan Alvesning o‘rnini «Keln»dan Yonas Hektorni yoki «Liverpul»dan Nataniel Klaynni olish orqali to‘ldirishi mumkinligi haqida xabarlar berilgandi.

Manba: Tribuna.uz