Ispaniyaning shimoli-sharqidagi Uesk shahrida mingdan ko‘proq qo‘y uxlab qolgan cho‘pondan qochib ketdi, deb xabar bermoqda The Local nashri.

Ma'lum qilinishicha, mahalliy fuqaro aylanib yurganda shahar markazini egallab olgan qo‘y podasini ko‘rib qolgan. Uning qo‘ng‘irog‘i bilan voqea joyiga yetib kelgan politsiya bazo‘r podani qurshab olib, uni orqaga qaytarishga muvaffaq bo‘lgan. Cho‘pon esa nima sodir bo‘lganini hattoki anglamay qolgan.