"LUKOYL" kompaniyasi O‘zbekistonga 12 mlrd dollar investitsiya yo‘naltiradi. Bu haqda 26 aprelda Rossiya Prezidenti Vladimir Putin O‘zbekiston Prezidenti Islom Karimov bilan o‘tkazgan muzokaralardan keyingi matbuot-anjumanida ma'lum qildi. Bu haqda uzdaily.uz nashri xabar bermoqda. 

Putin Rossiya kompaniyasi o‘zbekistonlik hamkorlar bilan Buxoro viloyatidagi gaz-kondensat konlari guruhini o‘zlashtirayotganini ta'kidlab o‘tdi. Putin bu maqsadlar uchun 3,6 mlrd dollar sarflanganini qo‘shimcha qildi. Investitsiyalar umumiy hajmi 12 mlrd dollar darajasida rejalashtirilgan.

Putin aprelda Markaziy Osiyodagi eng yirik majmualardan biri bo‘lgan Qandim gazni qayta ishlash majmuasi qurilishi boshlanganini eslatib o‘tdi.

"Majmuaning rejaviy quvvati yiliga 8 mlrd kub metr gazni, qiymati esa 3 mlrd dollardan ko‘proqni tashkil qiladi. Bu katta loyihaning amalga oshirilishi O‘zbekistonda minglab yangi ish o‘rinlari yaratadi, respublika byudjyetiga katta miqdorda moliyaviy va soliq tushumlari kelishini ta'minlaydi", deb aytdi Putin.

"LUKOYL" kompaniyasi o‘rta muddatli istiqbolda O‘zbekistonda ishlab chiqarish hajmini yiliga 16 mlrd kub metrga yetkazishni rejalashtirmoqda.