«Biz – buyuk yurt farzandlarimiz» shiori ostidagi yoshlar festivali Xorazm vohasida!

O‘zbekiston Respublikasi Mustaqilligining 25 yilligiga bag‘ishlab «Kamolot» yoshlar ijtimoiy harakati tomonidan «Biz – buyuk yurt farzandlarimiz» shiori ostida yurtimizning barcha hududlarida yoshlar festivallari o‘tkazilmoqda.

24-27 aprel kunlari Xorazm viloyatida bo‘lib o‘tadigan festivalga bugun start berildi.

«Ichan qal'a» me'moriy yodgorligining katta maydonida Xorazmning milliy urf-odatlaridan biri bo‘lgan «Qo‘chqorlar jangi» avj olmoqda. Targ‘ibot guruhi a'zolarining hayrati va quvonchi ko‘zlaridan bilinib turibdi. Xorazmlik yoshlar ko‘nglida esa: «Bu hali boshlanishi! Sizni bundanda unitilmas onlar kutmoqda!», degan so‘zlar jo‘sh urmoqda.