Yengil motorli Cessna 206 samolyoti Alyaska shtatidagi Admiralti orolida falokatga uchradi, deb mahalliy rasmiylarga iqtibos keltirgan holda xabar bermoqda RIA “Novosti” axborot agentligi.

Aviafalokat 8 aprelda Angun shaharchasi yaqinida yuz bergan. Samolyotda 4 kishi bo‘lgan, ulardan 3 nafari halok bo‘lgan. Bir ayol tirik holda topilgan va shifoxonaga yetkazilgan.

Voqea joyida qattiq shamol esayotgani sababli qutqaruvchilar vertolyoti u yerga yaqinlasha olmayapti. Falokat sabablari hozircha ma'lum qilinmagan.