Terrorchilik guruhlarining qo‘liga yadroviy qurol tushishi global xavfsizlik uchun asosiy tahdid hisoblanadi, deb aytdi AQSh prezidenti Barak Obama Vashingtondagi yadroviy xavfsizlik bo‘yicha sammitning ochilishidagi nutqida.
"Terrorchilik guruhlarida yadroviy qurolning paydo bo‘lishi va qo‘llanishi – global xavfsizlikka tahdid solayotgan eng katta xavflardan biridir", deb aytdi birinchi yalpi majlisni ocha turib Obama.
Obamaning aytishicha, yadroviy materiallarning saqlanishi – "bu yangi yuz yillik muammosiga yorqin misoldir va bu muammoni hech qaysi davlat bir o‘zi hal qila olmaydi".
