«Real»ning sobiq futbolchisi, hozirda jamoa bosh murabbiyi Zinedin Zidanga yordamchilik qilayotgan Roberto Karlos madridliklarning «Barselona»dan kuchliroq ekanini dalillashga urinib ko‘rdi.

Uning fikricha, «Real» faqat 3 kuchli futbolchisi eslanadigan «Barselona»dan kuchliroq.

«Ispaniyadagi chempionlik poygasi hali yakunlangani yo‘q. Shuningdek, bu ikki jamoa YeChLda ham o‘zaro pinhoniy kurashni davom ettiradi. «Real» bu «Real».
«Barselona» haqida gapirilganida xayolga faqat 3 futbolchining nomi keladi. «Real»da esa bir guruh kuchli futbolchilar borki, qaysi biridan boshlashni bilmay qolasiz. «Real» tarkib borasida albatta «Barselona»dan kuchliroq. Shouga esa futbolda joy yo‘q.

Messining penaltisi haqida to‘xtaladigan bo‘lsak, agar bu ishni «Real» futbolchisi amalga oshirganida boshqa jamoadoshlari uni raqibga hurmatsizlik qilganlikda ayblagan bo‘lardi» - deya qayd etib o‘tadi Karlos.