Leonardo DiKaprio Britaniya kino va televideniye akademiyasi BAFTA’ning 69-taqdimotida rejissyor Alexandro Inyarittuning "Omon qolgan" filmidagi bosh roli uchun yilning eng yaxshi aktyori deb topildi. Shuningdek, bu film eng yaxshi film deb topildi. Bu haqda SkyNews xabar bermoqda.

"Aktyor sifatida menga ko‘plab britaniyalik artistlar ta'sir o‘tkazgan. Xususan, men bir britan aktyori – janob Tom Xardiga minnatdorchilik bildirishni istardim", deb aytdi DiKaprio o‘z minnatdorchilik nutqida.

DiKaprio, shuningdek, eng yaxshi rejissyor mukofotini olgan Inyarittuga "haqiqiy do‘sti"ga aylangani uchun minnatdorchilik bildirdi.