Britaniyalik taniqli dizayner Toni Fisher dunyodagi eng yirik Rubik kubigini yasadi.

Bu "o‘yinchoq"ning vazni 100 kilogramm atrofida, yon tomonlari esa 1,5 metrdan. U odatdagi Rubik kubiklaridan 20 ming marta katta.

Fisherning aytishicha, o‘zidan oldin ham boshqalar shunday ulkan kubiklarni yasashga urinishgan, lekin eng kattasini uning o‘zi yasadi. U Ginnesning Rekordlar kitobiga kirish uchun ariza bilan murojaat etishini bildirgan.

Ushbu kubikni tasvirga olish jarayonidan keyin u buzilib sochilib ketgan, ayni vaqtda Fisher uni tiklash bilan band.