Suriya armiyasi Rossiya ko‘magida g‘alaba qozonadi, bu orada esa hukumatga qarshi kuchlar o‘rtasida ixtilof kuzatilmoqda va bu ixtilof yanada kuchayishi mumkin, deb yozmoqda Germaniya xavfsizlik idoralaridagi manbalarga iqtibos keltirgan holda Germaniyaning Frankfurter Allgemeine Zeitung nashri.

"Rossiyaning aralashuvi Damashq foydasiga burilishni anglatadi", deyilmoqda maqolada.

FAZ manbasining fikricha, Suriya armiyasi ertami-kechmi Halabda g‘alaba qozonadi. Bu orada nemis maxsus xizmatlarida Saudiya Arabistoni va Turkiyaning hukumatga qarshi kuchlar tomonida Suriyaga kirishi ehtimoli oz deyilmoqda.

Nashrning fikricha, Suriya qo‘shinlari Rossiya yordamida mamlakatning g‘arbiy hududlari ustidan nazoratni tiklagach, IShIDga qarshi birgalikdagi operatsiya Suriyaning sharqiy hududlarida davom ettirilishi mumkin.