AQShning Nyu-Jyersi gubernatori Kris Kristi feysbukdagi sahifasida AQSh prezidenti lavozimiga kurashdan chiqishini ma'lum qildi. 

"Biz o‘tkazgan kampaniya bilan faxrlanaman. Men prezident lavozimiga nomzodimni qo‘yib, doimo ishongan narsamni ifodalashga harakat qildim, ya'ni nima o‘ylayotgan bo‘lsang, shuni gapirish muhim, tajriba, malakaga ega bo‘lish muhim", deb yozdi Kristi.

Kristi prezidentlik poygasini "hech qanday afsuslanishsiz" tark etayotganini ta'kidladi.

Avvalroq yana bir nomzod Karli Fiorina prezidentlik saylovlaridan o‘z nomzodini olgandi.