Tayvanda yuz bergan zilzila oqibatida halok bo‘lganlar soni 34 kishiga yetdi, 120 kishi bedarak yo‘qolgan hisoblanmoqda.
Zilzila oqibatida halok bo‘lganlar soni ortib bormoqda. Taynan shahrida zilzila oqibatida butkul qulagan 17-qavatli bino ostidan 8 fevralga kelib 31 kishining jasadi chiqarib olingani ma'lum bo‘ldi.
Bino vayronalari tagida 120 dan ko‘proq odam qolmoqda, qutqaruvchilar umidni so‘ndirmasdan omon qolganlarni qidirishni davom ettirmoqdalar. 8 fevralda vayronalar ostida 30 soat qolib ketgan 6 oylik qizchani qutqarib olishga muvaffaq bo‘lindi.
