"Barselona" hujumchisi Lionel Messi 9 fevral kuni buyragidagi muammo tufayli jarrohlik amaliyotini boshdan kechiradi. Bu haqda sport.es nashri xabar tarqatgan.

Qayd etilishicha, bu kichik operatsiya bo‘lib, u seshanba kunining o‘zidayoq uyiga qaytishi mumkin.

Shuningdek, u Ispaniya chempionatining keyingi turida maydonga tushishga tayyor bo‘lishi aytilgan. U payshanba kungi mashg‘ulotlarda ham qatnashishi mumkin.

Bundan oldinroq, U "Valensiya"ga qarshi Ispaniya kubogi yarim finalining ikkinchi uchrashuvini o‘tkazib yuborishi xabar qilingandi.

Eslatib o‘tamiz, Messi sog‘lig‘idagi muammo tufayli klublar o‘rtasidagi jahon chempionati yarim finalida maydonga tusha olmagandi.