9to5Mac nashrining axborot manbalari ma'lumotlariga ko‘ra, Apple kompaniya uchun xos bo‘lmagan vaqtda yangi mahsulotlar namoyishini o‘tkazishni rejalashtirmoqda. 15 mart kuni 4 dyuymli arzon ayfon, iPad Air 3 va Apple Watch soatlari uchun yangi tasmalarni taqdim etadi.

Ma'lumotlarga ko‘ra, byudjyet ayfon iPhone 5se nomini oladi. Bundan avvalroq esa nashr u haqdagi batafsil ma'lumotlarni e'lon qilgan edi.

Unga ko‘ra, iPhone 5se smartfoni iPhone 5s, iPhone 6 va iPhone 6s aralashmasi bo‘ladi. Uning tashqi tomoni iPhone 5s`ni eslatsa, old panelining qirralari ayfonning so‘nggi nusxasi kabi bo‘ladi. Asosiy kamera 8, old kamera esa 1,2 Mp bo‘lishi kutilmoqda. iPhone 6 smartfonidagi kabi, unda ham katta panoramada suratga olish va video qayd etishda avtomat fokuslash funksiyasi ishlaydi.