Yevropa Ittifoqi davlatlari yetakchilari Valettada o‘tkazilgan norasmiy uchrashuvda Turkiyaga 3 mlrd dollar ajratish borasida kelishuvga erishdilar. Bu haqda jurnalistlarga Chexiya bosh vaziri Boguslav Sobotka ma'lumot berdi.
“Mablag‘ 2 yil davomida ajratilib, mamlakatdagi qochqinlarga yordam berish maqsadlariga sarflanadi”, - tushuntirdi u.
Shuningdek, u noyabr oyi oxiriga qadar YeI-Turkiya sammiti o‘tkazilishi mumkinligi haqida ma'lumot berdi.
Unda YeI tomonidan Anqaraga ko‘rsatiladigan yordam masalasi uzil-kesil hal qilinadi.