Трамп пингвинлар ва тюленлар яшайдиган кимсасиз оролларга қарши бож жорий қилди
Австралияга тегишли Ҳёрд ва Макдоналд ороллари кимсасиз бўлса-да, 2022 йилда Қўшма Штатлар бу ҳудуддан 1,4 миллион долларлик маҳсулот импорт қилган.

Фото: AFP/Getty Images
АҚШ президенти Доналд Трамп томонидан 2 апрель куни эълон қилинган бож тарифлари Ҳинд океанидаги аҳоли яшамайдиган Ҳёрд ва Макдоналд оролларига ҳам тегишли. Бу ҳақда Axios нашри ёзди. Бож миқдори 10 фоизни ташкил қилади.
Ҳёрд ва Макдоналд ороллари давлат эмас ва Австралияга тегишли бўлиб, унга нисбатан ҳам 10 фоизлик бож жорий қилинган. Оролларга бориш учун махсус рухсатнома олиш талаб қилинади.
1997 йилда Ҳёрд ороллари ва Макдоналд ороллари ЮНEСКО Жаҳон мероси рўйхатига киритилди. Axios таъкидлаганидек, бу ҳудуд тюленлар, пингвинлар ва бошқа қушларнинг колониялари билан «тўлиб кетган». Сўнгги бор одамлар у ерга деярли 10 йил олдин борган.
Оқ уй вакилининг Axios нашрига айтишича, оролларга бож Австралия ҳудудининг бир қисми бўлгани учун жорий қилинган.
Жаҳон банки маълумотларига кўра, 2022 йилда Қўшма Штатлар ушбу ороллардан 1,4 миллион долларлик маҳсулот импорт қилган, уларнинг деярли барчаси «машина ва электротехника буюмлари» эди. Бу товарлар нима экани номаълум.
АҚШ президенти Доналд Трамп 2 апрель куни барча мамлакатлар товарларига бож жорий этишини маълум қилди. Рўйхатга Хитой, Буюк Британия, Япония, Тайван ва бошқа кўплаб давлатлар киритилган. Трампнинг таъкидлашича, Қўшма Штатлар бошқа давлатлар билан савдо тўсиқларини камайтириш учун «ўнлаб йиллар» давомида божларни пасайтириб келган. Бу давлатлар эса аксинча, АҚШ товарларига божларни оширган.
Тавсия этамиз
Қимматга тушган липосакция: блогерни кимлар операция қилди?
Жамият | 19:22 / 04.04.2025
NYT Германиядаги «уруш офиси» ҳақида суриштирув эълон қилди
Жаҳон | 15:18 / 04.04.2025
Минбардаги 25 соат: сенатор Букер нега бундай қилди?
Жаҳон | 22:47 / 03.04.2025
Ўзбекистоннинг 9 та вилоятида сел хавфи эълон қилинди
Ўзбекистон | 22:24 / 03.04.2025
Сўнгги янгиликлар
-
Саноат ҳамкорлигини мустаҳкамлаш: Ўзбекистонда “ИННОПРОМ. Марказий Осиё” юбилей кўргазмаси
Ўзбекистон | 15:00
-
Туркия мухолифати Имомўғлининг ҳибсга олинишига қарши намойишларни давом эттиради
Жаҳон | 14:50
-
«Пахтакор» «Сўғдиёна»га ҳам ютқазди, «Бунёдкор» биринчи ўринда
Спорт | 14:40
-
Ўзбекистон ва Туркия имтиёзли савдо тўғрисидаги шартномани янгилайди
Иқтисодиёт | 14:15
Мавзуга оид

23:36 / 06.04.2025
Ерокомиссия АҚШдан импорт қилинадиган гўшт, кийим-кечак ва ҳожатхона қоғозига жавоб божлари жорий этади

19:44 / 06.04.2025
Эрон армияси жанговар шай ҳолатга келтирилди — Reuters

18:40 / 06.04.2025
АҚШ илк бор чет давлатнинг барча фуқароларига берилган визаларни бекор қилди

17:20 / 06.04.2025