Қўшимча функционаллар
-
Тунги кўриниш
Ўзбекистонда бойларни солиққа тортишнинг алоҳида тизимини жорий этиш режалаштириляпти
Солиқ қўмитаси томонидан энг юқори даромадли жисмоний шахслардан солиқ ундириш бўйича алоҳида чора-тадбирлар ишлаб чиқиляпти. Қўмита раисининг биринчи ўринбосари Мубин Мирзаевга кўра, янги тизим бойларнинг нафақат Ўзбекистонда, балки хорижда олган даромадларини ҳам солиққа тортишни назарда тутади.
Фото: Flickr / Marcel Lech Photography
Ўзбекистонда бой фуқароларни солиққа тортишнинг алоҳида тизимини яратиш режалаштирилмоқда. Бу ҳақда 1 апрел куни АОКАда ўтказилган матбуот анжуманида Солиқ қўмитаси раисининг биринчи ўринбосари Мубин Мирзаев маълум қилди, дея хабар берди Kun.uz мухбири.
«Агар Ўзбекистон аҳолиси қарийб 38 млн кишини ташкил этса, шундан 18 млн нафардан ортиғи даромадга эга ҳамда солиқ тўлаши керак бўлган аҳоли ҳисобланади. Уларни сегментлаш орқали энг юқори даромадга эга бўлган жисмоний шахслар учун солиқларни тўлаш ва ундириш бўйича алоҳида чора-тадбирлар ишлаб чиққанмиз. Уларнинг тўлиқ базаси яратилиб, бу орқали бирорта жисмоний шахс ўз даромадини солиқдан қочиш мақсадида камайтириш ёки ўзгартиришга йўл қўйилмайдиган тизим бўлади», — деди Мубин Мирзаев.
Унинг қўшимча қилишича, янги электрон тизимни ишлаб чиқиш учун қўмитага тахминан яна бир йил керак бўлиши мумкин. Режалаштирилган тизим нафақат Ўзбекистонда, балки хорижда олинган даромадларни ҳам солиққа тортишни назарда тутади.
Агар Ўзбекистон резиденти чет элда даромад олса, мамлакатда солиқ тўлаши керак бўлади. Норезидентлар билан боғлиқ ҳолатда Солиқ қўмитаси икки томонлама солиққа тортишнинг олдини олиш учун чет элда солиқ тўлашни ҳисобга олади.
Аввалроқ, 2027 йилдан бошлаб санъаткорлардан даромад солиғи мажбурий ундирилиши хабар қилинганди.
Тавсия этамиз
Leapmotor автомобилларининг Ўзбекистонга импорти чеклангани юзасидан изоҳ берди
Ўзбекистон | 15:52 / 11.04.2025
“Яқин кунларда рекорд иссиқлик тўлқини кутилмоқда” – иқлимшунос Эркин Абдулаҳатов
Ўзбекистон | 13:00 / 10.04.2025
Ўзбекистонликларни ҳақоратлаган тиктокер қамоққа олинди
Жамият | 09:52 / 10.04.2025
Хитой ўз фуқароларини АҚШга бормасликка чақирди
Жаҳон | 22:59 / 09.04.2025
Сўнгги янгиликлар
-
Reuters: Трампнинг махсус вакили Оқ уйга Кремлнинг позициясини етказди
Жаҳон | 01:04
-
Россияда туғилиш даражаси сўнгги 200 йилдаги энг паст кўрсаткичга тушиб кетди
Жаҳон | 00:32
-
3D-принтер ёрдамида босилган темирйўл станцияси олти соат ичида қурилди
Фан-техника | 00:20
-
Сурхондарёда судяга 1000 доллар пора таклиф қилган адвокат ушланди
Ўзбекистон | 23:16 / 11.04.2025
Мавзуга оид
11:02 / 10.04.2025
Мева-сабзавот маҳсулотлари соҳасида айрим тадбиркорларга солиқ имтиёзлари берилади
12:33 / 09.04.2025
ChatGPT Ўзбекистонда солиқ тўловчи сифатида рўйхатдан ўтди
15:54 / 03.04.2025
Нега қатъий белгиланган суммадаги айланмадан олинадиган солиқ бекор қилиняпти?
15:16 / 03.04.2025
Мубин Мирзаев ўзини ўзи банд қилиш турлари қисқаришига изоҳ берди
