Олимлар клавиатурадаги ёзувига қараб одамларнинг шахсини аниқлашни ўрганди

Янги технология ёзиш тезлиги ва хатоларни таҳлил қилади

Фото: ИЗВЕСТИЯ/Эдуард Корниенко

Россия технология университети олимлари клавиатурада матн териш хусусиятларига қараб фойдаланувчининг шахсини аниқлайдиган тизимни ишлаб чиқди. Бу ҳақда Naked Science хабар бермоқда.

Янги технология шахснинг ҳарфларни ёзиш тезлиги, босиш динамикаси, хатолар частотаси ва бошқа параметрларни кузатиб боради. Ушбу маълумотлар шаблонлар базаси билан солиштирилади. Агар кўрсаткичлар мос келса, тизим шахсни тасдиқлайди. Клавиатурани босиш услуби ўзгартирилганда, шаблон автоматик равишда янгиланади.

Ишланма муаллифларининг таъкидлашича, янги тизимнинг ишлаб чиқилишига киберхавфсизлик соҳасидаги таҳдидларнинг кучайиши сабаб бўлган. Бундан ташқари, модулдан ҳар қандай ташкилот: “кичик фирмалардан тортиб йирик корпорацияларгача” фойдаланиши мумкин.

Дастурчилар инсоннинг жисмоний ҳолати унинг ёзиш услубига қандай таъсир кўрсатишини ўрганишни режалаштирмоқда. Бу тизимнинг аниқлигини ошириш имконини беради, дейилади Naked Science хабарида.

Аввалроқ олимлар об-ҳавони тезроқ ва аниқроқ башорат қиладиган сунъий интеллектни ишлаб чиққанди.

#Россия #технология #ихтиро #клавиатура