Абдураҳим Умаров Мирзаобод тумани ҳокими этиб тайинланди

2024 йилдан бери туман ҳокими сифатида ишлаб келган Ориф Раҳмонқулов эса бошқа ишга ўтиши муносабати билан лавозимдан озод этилди.

Фото: Сирдарё вилояти ҳокимлиги

Бугун, 27 феврал куни Мирзаобод туманида Халқ депутатлари туман Кенгашининг навбатдан ташқари сессияси ўтказилди. Сессия ишида Сирдарё вилояти ҳокими вазифасини бажарувчи Эркинжон Турдимов иштирок этди, деб хабар беради ҳокимлик матбуот хизмати.

Қайд этилишича, сессияда депутатлар томонидан Абдураҳим Умаров номзоди Мирзаобод тумани ҳокими лавозимига тасдиқланган.

Абдураҳим Умаров мазкур тайинловга қадар вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – иқтисодиёт ва молия бош бошқармаси бошлиғи лавозимида фаолият юритган.

2024 йилдан бери Мирзаобод тумани ҳокими лавозимида ишлаб келган Ориф Раҳмонқулов эса бошқа ишга ўтиши муносабати билан туман ҳокими лавозимидан озод этилган.

Аввалроқ Фахриддин Кушаков Сирдарё вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинлангани тўғрисида хабар берилганди.

#Мирзаобод #Абдураҳим Умаров