Маскнинг амалдор сифатидаги муваффақияти манфаатлар мувозанатини сақлай олишига боғлиқ — The Economist

Маскнинг ғоялари технологик етакчилар томонидан қўллаб-қувватланмоқда, аммо Трампнинг жамоасидаги айрим гуруҳлар билан келишмовчиликларни ҳам келтириб чиқаряпти, деб ёзади Financial Times.

Нашрга кўра, президентнинг жамоаси учга бўлинган: анъанавий усулларни маъқул кўрувчи консерваторлар; импорт учун юқори тарифлар ва миграцияга қаттиқ чекловлар таклиф қилаётган “Аввало Америка” ғояси тарафдорлари; ҳамда Маск каби янги имкониятларни қўллаб-қувватлаётган инноваторлар. Бу қарашлар ўртасидаги фарқ ички тортишувларга олиб келиши мумкин.

Трампнинг иқтисодий стратегиясидаги асосий йўналишлардан бири – нефт ва газ қазиб олишни ошириш орқали саноатни қўллаб-қувватлаш ва янги иш ўринлари яратишдир. Бироқ, бу йўналиш экологлар томонидан танқид қилинмоқда, улар бунинг атроф-муҳитга таъсиридан хавотирда.

Шунингдек, импорт учун янги тарифларни жорий этиш ҳам иш столидаги энг устувор масалалардан. Бу эса Американинг Хитой ва бошқа мамлакатлар билан савдо алоқаларига таъсир кўрсатади.

Экспертлар фикрича, Илон Маскнинг роли ислоҳотларнинг ҳаракатлантирувчи кучи бўлиши мумкин, аммо бу жараёнда баҳс ва муаммолар пайдо бўлиши ҳам эҳтимолдан холи эмас.

Унинг ноанъанавий ечимларни таклиф қила олиш қобилияти иқтисодий ўзгаришларни тезлаштириши мумкин, лекин бу ҳаракатларнинг муваффақияти ўз бизнес манфаатлари ва давлат манфаатлари ўртасидаги мувозанатни таъминлай олишига боғлиқ, дея хулоса қилади The Economist.