ФИФА рейтинги. Ўзбекистон футзал миллий жамоаси ЖЧ-2024дан кейин 10 поғона пастлади

ФИФА расмий сайти футзал бўйича жаҳон чемпионатидан кейин миллий жамоаларнинг рейтингини янгилади.

Фото: UFA

Унга кўра, Ўзбекистон миллий жамоаси 10 поғона пастлади. Хосе Венансио Лопес бошқарувида мамлакатимиз мезбонлигида ўтган ЖЧ-2024да гуруҳда қолиб кетиб, муваффақиятсизликка учраган футзалчиларимиз 11-ўриндан 21-ўринга «шўнғишди». Топ-30ликда ҳеч бир жамоа бу даража катта пасайишга учрамаган.

Шунга қарамай, Ўзбекистон футзал жамоаси Осиёда Эрон (6-ўрин), Таиланд (11) ва Япониядан (13) кейинги 4-ўринда бормоқда.

Чемпионликка эришган Бразилия 1-ўринда бўлса, Португалия ва Аргентина учликдан жой олган. Испанияда бир поғонага пастлаб 4-ўринга тушган бўлса, қўшни Қозоғистон миллий жамоаси 3 ўринга юқорилаб, рейтингда бешликдан жой олди.

ФИФА рейтинги. Октябр. Футзал.

1. Бразилия

2. Португалия

3. Аргентина

4. Испания

5. Қозоғистон

6. Эрон

7. Марокаш

8. Россия

9. Украина

10. Франция

..21. Ўзбекистон.

Эслатиб ўтамиз, Ўзбекистон ЖЧ-2024 А гуруҳида Нидерландия билан дуранг қайд этиб, Парагвай ва Коста-Рикага мағлуб бўлди ва гуруҳда сўнгги ўринни эгаллаганди.

#футзал #ФИФА рейтинги