Қўшимча функционаллар
-
Тунги кўриниш
Uzbekistan Airways Қозоғистондаги норозилик намойишлари туфайли Ақтауга парвозларни бекор қилди
Uzbekistan Airways Ақтауга парвозлар бекор қилингани тўғрисида маълумот берди.
Фото: Kun.uz
Авиакомпания хабарига кўра, Ақтау халқаро аэропорти халқаро парвозларни қабул қилишни ва амалга оширишни ёпгани муносабати билан, 2022 йил 5 январь куни амалга оширилиши режалаштирилган HY-9725/9726 Урганч – Ақтау – Урганч йўналиши бўйича мунтазам қатновлари бекор қилинди.
Қайд этилишича, ушбу йўналиш бўйича парвозларни амалга ошириш кунлари ҳақидаги қўшимча маълумот кейинроқ тақдим этилади.
⠀
Йўловчилар 5 январь кунига Ақтауга бекор бўлган парвозлар авиачипталарининг тўлиқ қийматини чипта сотиб олинган жойда қайтариб олишлари ёки бошқа санага бепул қайта бронлаш ҳуқуқига эга экани эслатилган.
Аввалроқ, Қозоғистон президенти Қосим-Жомарт Тўқаев Манғистау вилояти ва Олмаотада фавқулодда ҳолат жорий қилгани маълум бўлган эди. Фавқулодда ҳолат маҳаллий вақт билан 5 январь соат 01:30 дан 19 январга қадар амал қилади.
Қозоғистон ғарбида автогаз нархининг ошиши муносабати билан норозилик намойишлари бошланди, намойишлар нархларни пасайтириш ваъдасидан кейин мамлакатнинг бошқа ҳудудларини ҳам қамраб олди. 1 январь куни газ нархи 60 тенгедан 120 тенгега кўтарилди. Икки кунлик митинглардан сўнг Манғистау вилоятидаги ёнилғи қуйиш шохобчалари эгалари нархни 80-90 тенгега туширди, бироқ намойишчилар буни етарли эмас деб ҳисобламоқда.
Қозоғистонда газ намойишлари
Мавзуга оид
13:36 / 11.03.2025
Қозоғистон ва Ўзбекистон чегарасида саноат кооперацияси маркази ташкил этилади
11:51 / 11.03.2025
Қозоғистонда паспорти олиб қўйилган фуқаро Ўзбекистонга қайтарилди
17:10 / 07.03.2025
Олмаотада эркак пичоқ билан аэропорт ходимига ташланди. Уни танишини кузатгани келган шахс зарарсизлантирди
22:01 / 05.03.2025