Қўшимча функционаллар
-
Тунги кўриниш
БМТ бош котиби Исроил-Фаластин можароси оғир инқирозга олиб келишидан огоҳлантирди
БМТ бош котиби Антониу Гутерриш Исроил-Фаластин можаросини дарҳол тўхтатишга чақирди ва икки томон ўртасидаги жанговар ҳаракатлар минтақани назорат қилиб бўлмас инқирозга олиб келишидан огоҳлантирди.
«Жанглар дарҳол тўхтатилиши керак», деб айтган Гутерриш БМТ Хавфсизлик кенгашининг Яқин Шарқдаги можаро юзасидан ўтаётган йиғилишида. БМТ бош котиби сўнгги ҳафтада 200дан кўпроқ кишининг ўлимига олиб келган зўравонликни «мудҳиш» деб атаган.
«Бу кескинлик гуманитар инқирозга ҳамда нафақат Фаластиннинг босиб олинган ерлари ва Исроилда, балки бутун минтақада экстремизм янада кучайишига олиб келиши мумкин», деб айтган Гутерриш.
Аввалроқ Фаластинда Исроилнинг зарбалари оқибатида ҳалок бўлганлар сони 200дан ошгани маълум қилинган. Ўз навбатида, Исроил томондан қурбонлар сони 10 кишига етган.
Шунингдек, Европа Иттифоқи ташқи ишлар вазирлари 18 май куни Исроил ва Фаластин ўртасидаги қарама-қаршилик бўйича видеомулоқот ўтказади. Иттифоққа аъзо давлатлар можаро бўйича умумий позицияга келишга ҳаракат қилмоқда. ЕИнинг баъзи давлатлари, жумладан, Германия, Австрия ва Словения можарода Исроилни қўллаб-қувватлаётган бўлса, баъзилари уни ўзини босиқ тутишга чақирмоқда.
Исроил ва Фаластин можароси
Мавзуга оид
12:25 / 10.03.2025
Исроил Ғазога электр энергияси етказиб беришни тўхтатди
21:58 / 09.03.2025
Исроил Ғазо бўйича музокараларни давом эттириш учун Доҳага делегация юборади
14:27 / 09.03.2025
Фото: Фаластин байроғини кўтарган активист Биг-Бенга чиқиб олди
18:20 / 07.03.2025