Xiaomi Mi A1 бюджет смартфони расман намойиш этилди

Xiaomi компанияси Google билан ҳамкорликда Android One бюджет қаторидаги янги смартфонини расман тақдим этди. Xiaomi Mi A1 номини олган қурилма Xiaomi Mi 5X'ни ёдга солади. Hi-Tech шу ҳақида маълум қилди. 

Хитойлик ишлаб чиқарувчининг янги смартфони металл корпус ва iPhone 7 Plus'дагидек 12 + 12 Mп'ли икки флагман камерага эга бўлди. Суратни қайта ишлаш учун машина алгоритмлари қўлланилади. Иккиламчи оптик зум мавжуд.

Қурилма Xiaomi Mi 5X ва Xiaomi Redmi Note 4 смартфонларидагидек самарадорликни таъминлайди. Йил охирига қадар қурилманинг Android 8.0 тизимигача янгиланиш эҳтимоли бор ва у биринчилардан бўлиб Android P'га эга бўлади. Xiaomi Mi A1 смартфони USB Type-C порти билан жиҳозланади. 

Xiaomi Mi A1 смартфонининг техник хусусиятлари:

•    Экран: 5.5", Full HD, IPS
•    Чип: Snapdragon 625;
•    Хотира: 4 ГБ - асосий, 64 ГБ - ички;
•    Асосий камера: 12 + 12 Mп;
•    Фронтал камера: 5 Mп;
•    Батарея: 3080 мАс;
•    Тизим: ОС Android 7.1.2.

Сана ва нарх

Қурилма икки хил вариантда ишлаб чиқарилиши мумкин. Унинг 4+64 ГБ конфигурацияси нархи тахминан 13 500 рублни ташкил қилади. Смартфон 12 сентябрдан бошлаб Ҳиндистонда сотувга чиқади.