Amerikalik ayol 180 ta kimyoterapiyani boshdan o‘tkazdi

People’ning yozishicha, 2016 yilda Komerga yo‘g‘on ichak saratonining to‘rtinchi bosqichi tashxisi qo‘yilgan. O‘sha paytda ayolning o‘ng tomonida 45, chap tomonida esa 12 ta o‘smasi bo‘lgan. O‘smalar jigar va boshqa a’zolarga tarqalgandi. Shifokorlar ayolning yarim yildan ko‘p yashamasligini aytgan. Shunga qaramay davolash boshlangan.

Komer yettita jarrohlik amaliyotini boshidan kechiradi, shundan so‘ng kimyoterapiya kursi o‘tkaziladi. Ayol haftasiga uch marta muolajaga borardi — jami yetti kun davomida u muolajalar uchun 11 soat vaqt sarflardi. To‘qqiz yillik davolanish davomida ayol 180 ta seansda qatnashadi. 2025 yilda esa shifokorlar uni tuzalmas kasal deb topadi.

Hozir Komer hospisda. Ayolning ta’kidlashicha, agar kasallik ertaroq aniqlanganda, uni davolash mumkin bo‘lardi. U kasallikni o‘z vaqtida aniqlash uchun albatta kolonoskopiya tekshiruvidan o‘tish lozimligini ta’kidlaydi.