FVV avtomobili vazirlik binosiga kirishda qo‘pol qoidabuzarlik qildi

Kun.uz'ga kelib tushgan videoda “01 050 FVV” raqamli Malibu avtomobili taqiqlangan joydan burilib, Favqulodda vaziyatlar vazirligi binosiga kirib ketganini ko‘rish mumkin.

Manbaga ko‘ra, voqea bugun, 12 noyabr kuni Toshkent shahri Nurafshon ko‘chasining Sharof Rashidov ko‘chasi bilan kesishmasi yaqinida ro‘y bergan. FVV binosi shu yerda joylashgan.

MJtKning 128-5-moddasi 2-qismiga ko‘ra, yo‘lning qarama-qarshi harakatlanish uchun mo‘ljallangan tomoniga yoki bo‘lagiga yo‘l harakati qoidalarini buzgan holda chiqish – 10 BHM (3 mln 750 ming so‘m) jarimaga sabab bo‘ladi.

#YTH #FVV