Fotojamlanma: 2024 yilning eng yaxshi oq-qora fotosuratlari e’lon qilindi

Black and White Photo Award xalqaro mukofoti uchun suratlar beshta kategoriya bo‘yicha tanlab olinadi, tanlovning mutlaq g‘olibi 1000 yevro bilan taqdirlanadi.

2024 yilning eng yaxshi oq-qora fotosuratlari Black and White Photo Award xalqaro mukofoti bilan taqdirlandi.

Mukofot uchun suratlar beshta kategoriya bo‘yicha tanlab olinadi: arxitektura, ko‘cha, portret, flora-fauna hamda landshaft. Tanlov davomida 30 ga yaqin surat pul mukofotlariga loyiq ko‘rildi, ulardan 15 tasi o‘rin olmasa-da, oltin, kumush, bronzaga teng faxriy suratlar deya e’tirof etildi. Mukofot uchun 5500 yevrodan ortiq mablag‘ ajratilgan, shundan 1000 yevrosi tanlovning mutlaq g‘olibiga beriladi.

Black and White Photo Award o‘z saytida 2024 yilning eng yaxshi oq-qora suratlari g‘oliblarini e’lon qildi.

Tanlovning mutlaq g‘olibi

Destroy Together (Birgalikda yo‘q qilamiz) Muallif: Haykun Liang

2024 yilgi oq-qora fotosuratlar tanlovining mutlaq g‘olibi Haykun Lyang bo‘ldi. Destroy together surati Xitoydagi bahor festivali davomida olingan.

Ijodkorlik uchun tanlov hamkori tomonidan berilgan maxsus mukofot

Tanlov hamkori SanDisk Professional kompaniyasi tomonidan taqdim etilgan ijodkorlik uchun maxsus mukofot Spiral to the tower suratiga nasib etdi. Surat muallifi Laslo Totning texnika va ijod uyg‘unlashgan surati uni ushbu fototanlovning asosiy g‘oliblaridan biriga aylantiradi.