Qoraqalpog‘istonda HETK fermerlardan 2,3 mlrd so‘mni noqonuniy undirdi
“Qoraqalpoq hududiy elektr tarmoqlari" korxonasi elektr energiyasi ta’minotida zarur bo‘lgan vositalarni o‘rnatish uchun 170 fermerdan 2,3 mlrd so‘m mablag‘ni noqonuniy undirgan. Aslida, bu vazifa HETKning o‘zining zimmasida bo‘lgan.

Foto: “Qoraqalpoq hududiy elektr tarmoqlari” AJ
Monopoliyaga qarshi kurash qo‘mitasi o‘tkazgan tekshirishlarda qoraqalpog‘istonlik fermerlardan elektr ta’minoti vositalari uchun noqonuniy mablag‘lar undirilgani aniqlandi.
Qonunchilik hujjatlarida elektr energiyasi ta’minotida zarur bo‘lgan vositalarni o‘rnatish “Qoraqalpoq hududiy elektr tarmoqlari” AJga yuklatilgan. Biroq Qoraqalpog‘iston HeTK o‘zining tabiiy monopoliya sub’yekti ekanidan foydalanib, ya’ni 170 ta tadbirkorlik sub’yektidan ushbu vositalar uchun 2,3 mlrd so‘mga yaqin mablag‘ undirgan.
Qo‘mita xabariga ko‘ra, qonunga zid undirilgan mablag‘larni fermerlarga qaytarish ishlar ketmoqda.
Shu bilan birga, “Qoraqalpoq hududiy elektr tarmoqlari” AJga nisbatan qonunchilikda belgilangan tartibda ish qo‘zg‘atilib, tegishli choralar ko‘rilgan. Bu qanday chora ekaniga xabarda aniqlik kiritilmagan.
HETK aksilmonopol organning qarori ustidan sudga shikoyat qilgan. O‘zbekiston Oliy sudi Ma’muriy ishlar bo‘yicha sudlov hay’atining qarori bilan kassatsiya shikoyati Qoraqalpog‘iston Respublikasi Monopoliyaga qarshi kurashish qo‘mitasi foydasiga hal qilingan.
Mavzuga oid

16:51 / 08.03.2025
Chiqindidan qarzdorlarning svet uchun to‘lov qilishini cheklash haqidagi qonun imzolandi

19:06 / 03.03.2025
Energetika vazirligiga elektr va gaz bo‘yicha ijtimoiy me’yorlar muddatini o‘zgartirish vakolati berildi

16:47 / 03.03.2025
Elektr va gaz uchun ijtimoiy limit qayta ko‘rib chiqilishi kerak

10:07 / 03.03.2025