Toliblar AQShning bir nechta samolyot va vertolyotini egallab oldi - OAV

AQShning bir nechta samolyoti, harbiy vertolyotlari va tanklarga qarshi raketalari toliblar qo‘liga tushdi. Bu haqda Al-Arabiya telekanali o‘z manbalariga tayanib xabar berdi.

Ularning ma'lumotlariga ko‘ra, AQSh rahbariyati toliblar qo‘liga oz miqdorda qurol tushganidan ham xavotirlanmoqda.  

Ta'kidlanishicha, AQShda “Tolibon” qo‘lga kiritgan qurolni yo‘q qilish bo‘yicha hali birorta qaror yo‘q. AQSh bu maqsadda bir nechta amaliyot o‘tkazish, jumladan toliblar omborlarini bombardimon qilish bo‘yicha qaror qabul qilish uchun evakuatsiya jarayoni to‘liq yakunlanishini kutmoqda. Manbalarning aytishicha, toliblarda uchuvchilar va texnik xizmat imkoni yo‘qligi sababli ularning qo‘lga kiritilgan samolyot va vertolyotlardan foydalana olishi dargumon.

Avvalroq AQShning sobiq prezidenti Donald Tramp AQSh Afg‘onistonda 83 mlrd dollarlik qurilmalar, to‘liq jihozlangan harbiy bazalar va elchixona binosini tashlab ketayotganini aytgan.