Rossiya harbiylari mashg‘ulotlar o‘tkazish uchun Surxondaryoga keldi
Rossiya va O‘zbekiston qurolli kuchlari 30 iyuldan 10 avgustgacha Surxondaryo viloyatida harbiy mashg‘ulotlar o‘tkazadi.

Foto: Mudofaa vazirligi
Surxondaryo viloyati hududidagi «Termiz» poligonida O‘zbekiston – Rossiya qurolli kuchlari hamkorligida o‘tkaziladigan qo‘shma o‘quvlarda ishtirok etuvchi Rossiya qurolli kuchlari Markaziy harbiy okrugi harbiy xizmatchilari O‘zbekistonga yetib keldi. Bu haqda O‘zbekiston Mudofaa vazirligi ma'lum qildi.
Mashg‘ulotlar davomida ikki davlat harbiylari shartli dushmanning yashirin bazalarini qidirib topish va yo‘q qilish, ular tomonidan ehtimoliy hujumlar amalga oshirilganda, uni bartaraf etish kabi vazifalarni bajarishadi.

Mashqlar «Termiz» poligonida 30 iyuldan 10 avgustgacha bo‘lib o‘tishi rejalashtirilgan. Ularda Rossiya va O‘zbekiston qurolli kuchlarining 1,5 mingga yaqin harbiysi ishtirok etadi.
Ushbu mashg‘ulotlar Afg‘onistondagi vaziyat hukumat qo‘shinlari va «Tolibon» jangarilari o‘rtasidagi qarama-qarshilik kuchaygani ortida yomonlashgani bilan bog‘liq holda o‘tkazilmoqda.
Ma'lumot uchun, Rossiya harbiylari ayni paytda tojik-afg‘on chegarasi yaqinidagi mashg‘ulotlarda ham qatnashmoqda.
Mavzuga oid

15:21 / 17.03.2025
Rossiya Ukrainaga g‘arb tinchlikparvar kuchlari kelishiga yana qarshi chiqdi

21:59 / 15.03.2025
Zelenskiy Kursk oblastida janglar davom etayotganini aytdi

18:18 / 15.03.2025
Uitkoff Putin bilan uchrashish uchun 8 soat kutgani aytildi

14:34 / 15.03.2025