Qoʻshimcha funksionallar
-
Tungi ko‘rinish
Lukashenko Belarusda Amerika pasportiga ega shaxslar qo‘lga olinganini aytdi
Lukashenkoning so‘zlariga ko‘ra, mamlakatdagi vaziyatni izdan chiqarishni maqsad qilgan ko‘plab odamlar qo‘lga olingan.
Foto: RIA Novosti
Belarus prezidenti Aleksandr Lukashenko respublikada saylov kampaniyasi vaqtida qo‘lga olinganlar orasida "Amerika pasportiga ega bo‘lgan, davlat departamentida ishlaydigan amerikalik ayollarga uylangan" shaxslar ham borligini ma'lum qildi.
Lukashenkoning so‘zlariga ko‘ra, mamlakatdagi vaziyatni izdan chiqarishni maqsad qilgan ko‘plab odamlar qo‘lga olingan.
"Ism-shariflari, manzillari, parollari va borgan joylari ma'lum. Amerikalikmi, davlat departamentchisimi, demokratik partiyaga mansubmi, bunisi muhimmas. Rossiyadagi saylovoldi kampaniyasida qatnashishgan, yaxshigina pul olishgan. Bugun esa Belarusda shov-shuv ko‘tarishmoqda. Amerikaliklar ularni himoya qilishni boshlaydi deb o‘ylayman. Bunaqasi ketmaydi", dedi u.
Belarusda prezidentlik saylovlari 9 avgustda bo‘lib o‘tadi. Prezidentlikka Lukashenko bilan birgalikda 5 kishi da'vogarlik qilmoqda.
29 iyulda Belarusda 33 nafar rossiyalik qo‘lga olingani xabar qilingandi. Ular respublikada ommaviy tartibsizliklar uyushtirishga tayyorgarlik ko‘rishda gumon qilinmoqda.
Belarus-2020
Mavzuga oid
15:15 / 16.02.2025
AQSh Lukashenko bilan siyosiy mahbuslarni ozod etish bo‘yicha «katta bitim» tayyorlamoqda
22:07 / 27.01.2025
Belarusning 30 yillik prezidenti yana saylandi. G‘arb bu saylovni ham tan olmadi
12:30 / 27.01.2025
Belarusda Aleksandr Lukashenko yettinchi prezidentlik muddatiga qayta saylandi
00:20 / 27.01.2025