АҚШ Лотин Америкасидаги 8 та картелни террорчи ташкилотлар рўйхатига киритди

Венесуэладаги «Трен де Арагуа», Сальвадордаги MS-13 ва Мексикадаги олтита картел «хорижий террорчи ташкилотлар» рўйхатига киритилган.

Фото: AA

АҚШ президенти Доналд Трамп маъмурияти Лотин Америкасидаги баъзи мамлакатлардаги саккизта картелни «хорижий террорчи ташкилотлар» рўйхатига киритди.

АҚШ федерал ҳукуматининг расмий газетасида чоп этилган қарорда айтилишича, АҚШ Венесуэла, Салвадор ва Мексикадаги саккизта жиноий ташкилотни «хорижий террорчи ташкилотлар» деб белгилаган.

Қарорда Венесуэладаги «Трен де Арагуа», Салвадордаги MS-13 ва Мексикадаги олтита картел «хорижий террорчи ташкилотлар» рўйхатига киритилди.

Мексика президенти Клаудия Шейнбаум қарордан олдин берган баёнотида: «Агар бу фармон (Мексикада) экстратерриториал ҳаракатларни назарда тутса, биз уларни қабул қилмаймиз», деди.

У «Мексика суверенитетининг бузилишини» рад этишини айтди.

Президентнинг қўшимча қилишича, Мексика қўшма текширувларни давом эттириш зарурлигига рози.

«Агар улар АҚШдаги пул ювиш ва АҚШда гиёҳванд моддаларни олиб ўтувчи жиноий гуруҳлар фаолиятини қўшимча текшириш учун ушбу буйруқни чиқарсалар, бу жуда яхши иш бўларди», — деди Клаудия Шейнбаум.

#Лотин Америкаси #картел