Қиёслашдан ўтказилиши лозим бўлган ўлчаш воситалари рўйхати тасдиқланди
Техник жиҳатдан тартибга солиш агентлиги директорининг «Қиёслашдан ўтказилиши лозим бўлган ўлчаш воситалари туркумларининг рўйхатини тасдиқлаш тўғрисида»ги буйруғи қабул қилинди.

Фото: iStock
Ҳужжат билан Қиёслашдан ўтказилиши лозим бўлган ўлчаш воситалари туркумларининг рўйхати тасдиқланмоқда. У қуйидаги тоифаларга туркумланган 289 та банддан иборат:
- геометрик катталиклар ўлчаш воситалари;
- текисликдан оғиш интерференцион ўлчаш воситалари;
- механик катталикларни ўлчаш воситалари;
- модда оқими, сарфи, сатҳи, ҳажми параметрларини ўлчаш воситалари;
- босим ўлчаш, вакуумли ўлчаш воситалари;
- моддаларнинг физик-кимёвий таркиби ва хоссаларини ўлчаш воситалари;
- иссиқлик физик ва ҳарорат ўлчов воситалари;
- вақт ва частота ўлчаш воситалари;
- электр ва магнит катталикларини ўлчаш воситалари;
- ўзгармас ва ўзгарувчан токлар электр энергиясини ўлчаш воситалари;
- радиотехник ва радиоэлектрон ўлчаш воситалари;
- виброакустик ўлчаш воситалари;
- оптик ва оптика-физикавий ўлчаш воситалари;
- ядровий константаларнинг ионловчи нурланиш тавсифларини ўлчаш воситалари;
- ўлчаш тизимларининг элементлари.
Масалан, жисмоний шахсларнинг табиий газ, совуқ ва иссиқ сув, шунингдек электр энергияси ҳисоблагичларини қиёслаш даврийлиги 96 ойни ташкил этади (юридик шахслар учун - 48 ой).
Ҳужжат қонун ҳужжатлари маълумотлари миллий базасида эълон қилинган ва 11.02.2025 йилдан кучга кирди.
Мавзуга оид

12:21 / 03.08.2022
«Счётчик»ни қиёсловдан ўтказиш бўйича давлат хизмати фақат ДХМ ёки «Ягона портал»да амалга оширилади

07:52 / 06.11.2020
2021 йил 1 августга қадар газ ҳисоблагичларни қиёсловдан ўтказиш тўхтатиб турилади

13:07 / 16.04.2020
Газ ҳисоблагичларни қиёсловдан ўтказиш бўйича аризаларни кўриб чиқиш муддати 1 сентябргача узайтирилди

16:33 / 10.09.2019