Зеленский урушни тугатиш учун Россия билан ҳудудлар алмашинувига рози

Президентнинг таъкидлашича, у ҳозирча Украина қайси ҳудудларни Россиядан талаб қилишини билмайди.

Фото: The Guardian

Агар АҚШ президенти Доналд Трамп Украина ва Россияни музокаралар столига ўтқазса, Киев Москвага Курск вилоятидаги босиб олинган ерларни қайтариб, ҳудудий алмашинувни таклиф қилиши мумкин. Бу ҳақда Украина президенти Володимир Зеленский The Guardian нашрига берган интервьюсида айтиб ўтди.

«Биз бир ҳудудни бошқасига алмаштиришимиз мумкин», деди у.

Зеленский Украина Россия томонидан босиб олинган ҳудудларнинг қайси қисмини сўрашини ҳозирча билмаслигини таъкидлади.

Аввлароқ, Украина Ташқи ишлар вазирлиги урушни тугатиш бўйича якуний музокаралар ўтказиладиган жой қачон белгиланишини маълум қилди. Қайд этилишича, Украина-Америка музокараларидан сўнг бу масалага ойдинлик киритилади.

Украина Россиянинг Курск вилояти бир қисмини 2024 йил август ойидан бери ушлаб турибди.

#Украина #Россия #Володимир Зеленский