Саида Мирзиёева Ўзбекистон олима аёллари форумида иштирок этди

Ўзбекистон олима аёллари форумида Халқаро илм-фан соҳасидаги аёллар куни нишонланди. Унда президент ёрдамчиси Саида Мирзиёева ҳам иштирок этди.

Фото: Telegram/Saida Mirziyoyeva

Бугун, 11 феврал куни Ўзбекистон олима аёллари форумида Халқаро илм-фан соҳасидаги аёллар куни нишонланди. Бу ҳақда президент ёрдамчиси Саида Мирзиёева ўзининг Telegram каналида ёзиб қолдирди.

«Мамлакатимизда илм-фан соҳасида хотин-қизларни қўллаб-қувватлаш устувор аҳамиятга эга эканидан фахрланаман», — деб ёзади Саида Мирзиёева.

Қайд этилишича, Ўзбекистонда олимларнинг 48 фоизини аёллар ташкил этади.

«Уларнинг изланишлари, кашфиётлари ва фидойилиги илҳом бахш этади ва илм-фан уларга, улар эса илм-фанга кераклигини кўрсатади. Биз халқаро ҳамжамият билан илм-фан тинчлик ва фаровонликка хизмат қиладиган келажакни бунёд этиш йўлида биргаликда ҳаракат қиламиз», — дейди президент ёрдамчиси.