Ўзбекистондан Кувайтга гўшт экспорти йўлга қўйилди

Jazeera Airways авиакомпанияси орқали Ўзбекистондан Fadl бренди остидаги парранда ва мол гўшти маҳсулотларининг Кувайтга илк экспорти бошланди.

Фото: "Дунё" АА

Ўзбекистон элчихонаси маълумотига кўра, жорий йил 15-16 декабр кунлари Ал-Кувайт шаҳрида ўтказилган Kuwait International Agro Food Exhibition кўргазмасидаги Ўзбекистон павилионида мамлакатдаги JN Distrubition компаниясининг Fadl бренди остидаги гўшт ва парранда гўшти маҳсулотлари ҳамда консерваланган палов ва ҳалим миллий таомлари намойиш этилган эди.

Натижада Ўзбекистоннинг JN Distrubition ва Кувайтнинг High Concorde Company for General Trading & Contracting компаниялари ўртасида гўшт маҳсулотларини Кувайтга экспорт қилиш бўйича шартнома имзоланди.

#Кувайт #гўшт