Илон Маск дунёнинг энг бой одамлари рўйхатида биринчи ўринга қайтди

Унинг бойлиги 192,3 миллиард долларга баҳоланмоқда.

Фото: AP Photo / Matt Rourke

Tesla ва SpaceX асосчиси, шунингдек, Twitter эгаси Илон Маск Bloomberg талқини бўйича сайёрамизнинг энг бой одамлари рейтингида яна биринчи ўринни эгаллади. Унинг бойлиги 192 миллиард доллардан ошган.

Маск LVMH (Louis Vuitton Moet Hennessy) компаниялар гуруҳи президенти Бернард Арнони ортда қолдирди, унинг бойлиги 186,6 миллиард долларга баҳоланмоқда.

Агентлик маълумотларига кўра, сайёрадаги учинчи энг бадавлат одам Amazon асосчиси Жефф Безос бўлиб, унинг бойлиги тахминан 144 миллиард долларни ташкил қилади.

51 ёшли Маскнинг активлари жорий йилда 50 миллиард доллардан кўпроққа ошган. Бу кўп жиҳатдан унинг Tesla компанияси акциялари нархининг ошиши туфайли содир бўлган.

#Илон Маск #Жефф Безос #Бернард Арно