Янгиланган Malibu XL автомобилларининг нархлари эълон қилинди

Malibu XL 375 млн сўмдан 419 млн сўмгача бўлган нархларда сотувга чиқарилади.

Фото: UzAuto Motors

UzAuto Motors янгиланган Malibu XL автомобилларининг нархларини эълон қилди:

Malibu XL 1LT – 334 822 000 сўм
Malibu XL 2LT – 348 215 000 сўм
Malibu XL LTZ – 374 108 000 сўм

Нархлар ҚҚСсиз кўрсатилган.

Қўшилган қиймат солиғини билан ҳисоблаганда, нархлар қуйидагича шаклланади:

Malibu XL 1LT – 375 000 640 сўм
Malibu XL 2LT – 390 000 800 сўм
Malibu XL LTZ – 419 000 960 сўм

Malibu XL 237 от кучига эга 2,0 литр ҳажмли турбо двигатель билан жиҳозланган. Максимал айланиш моменти 350 NM. Автомобиль трассасида седаннинг ёқилғи тежамкорлиги 100 километрга 6,7 литргача яхшиланган.

Malibu XL тўрт ғилдиракли мустақил подвескадан фойдаланади, олд ва орқа руль бўғимлари алюминийдан ясалган бўлиб, у қуйма темирга қараганда енгилроқ ва эластикроқ ҳисобланади, бу ўз навбатида бутун машинанинг оғирлигини сезиларли даражада камайтириши мумкин.