Жиззахда бошқарувни йўқотган «Тико» «Нексия-3» билан тўқнашди

Жиззах шаҳридаги кўчалардан бирида ҳаракатланиб кетаётган «Тико» ҳайдовчиси бошқарувни йўқотиши оқибатида машинада қарама-қарши йўналишга чиқиб кетган ва рўпарадан келаётган «Нексия-3»га урилган. Бу ҳақда ИИВ ЙҲХББ ахборот хизмати хабар бермоқда.
Маълум қилинишича, жорий йил 15 сентябрь куни соат 11:10 лар атрофида Жиззах шаҳридаги Жиззахлик маҳалласи Мирзо Улуғбек кўчасида «Тико» ва «Нексия-3» иштирокида йўл-транспорт ҳодисаси содир бўлган.
Шароф Рашидов туманида яшовчи 1989 йилда туғилган ҳайдовчи «Тико» машинаси бошқариб кетаётиб йўлнинг кескин бурилувчи қисмида бошқарувни йўқотган ва қарама-қарши йўналишга чиқиб кетган. Шундан сўнг у рўпарадан келаётган Шароф Рашидов тумани Зиёкор маҳалласида яшовчи 1992 йилда туғилган ҳайдовчи бошқарувида бўлган «Нексия-3»га бориб урилган.
Оқибатда, «Тико» машинаси ҳайдовчиси оғир тан жароҳатлари олиб Республика тез тиббий ёрдам илмий маркази Жиззах вилояти филиалига ётқизилган. Шунингдек, ҳар иккала машинага жиддий шикаст етган.
Мавзуга оид

00:17 / 13.03.2025
Жиззахга 30 та замонавий автобус олиб келинди

12:10 / 11.03.2025
Жиззахда маст ҳолда машина бошқариб, опа-сингилнинг ўлимига сабабчи бўлган ҳайдовчи узоқ муддатга қамалди

09:51 / 09.03.2025
Учта вилоятда “валютчиклар” ушланди

10:15 / 04.03.2025