Зойир Мирзаевга янги ўринбосар тайинланди

Долли Аллаев вилоят ҳокимининг ўринбосари - маҳалла ва оилани қўллаб-қувватлаш бошқармаси бошлиғи лавозимини эгаллади

Долли Аллаев
Фото: Қашқадарё вилояти ҳокимлиги

Қашқадарё вилояти ҳокими Зойир Мирзаевга янги ўринбосар тайинланди. Бу ҳақда вилоят ҳокимлиги ахборот хизмати хабар бермоқда.

Қайд этилишича, Долли Ҳакимович Аллаев вилоят ҳокимининг ўринбосари - маҳалла ва оилани қўллаб-қувватлаш бошқармаси бошлиғи лавозимига тайинланди.

Д. Аллаев бунга қадар Қашқадарё вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида ишлаб келган.

Эслатиб ўтамиз, президентнинг 2020 йил 18 февралдаги фармони асосида Маҳалла ва оилани қўллаб-қувватлаш вазирлиги ташкил этилди.

Вазирликнинг жойлардаги бошқармаларига юклатилган асосий вазифа ва фаолият йўналишларидан бири – жамиятда «Обод ва хавфсиз маҳалла» тамойилининг тўлақонли ва самарали жорий этилишида ҳар томонлама кўмаклашиш, оилалар ва маҳаллалардаги ижтимоий-маънавий муҳитни соғломлаштиришда фуқароларнинг ўзини ўзи бошқариш органлари билан яқин ҳамкорлигини ўрнатишдан иборатдир.

Аввалроқ, Сурхондарё вилояти ҳокимининг янги ўринбосари тайинланганди.

#Қашқадарё #Зойир Мирзаев #Долли Аллаев