Оқ уй Тиллерсоннинг ўз лавозимидан кетмаслигини маълум қилди

Оқ уй расмий вакили Сара Сандерс ОАВда АҚШ давлат котиби Рекс Тиллерсоннинг истеъфога кетказилиши ҳақида хабарлар пайдо бўлгандан кейин Тиллерсон ўз лавозимини бажаришда давом этишини маълум қилди. 

“Президент айтгандек: “Рекс шу ерда”. Ҳозир бу борада ҳеч қандай эълонлар йўқ. Давлат котиби Тиллерсон давлат департаментини бошқаришни давом эттиради ва бутун вазирлар маҳкамаси бор эътиборини президент Трампнинг ушбу муваффақиятли биринчи йилини якунлашга қаратган”, деб айтган Сандерс. 

Аввалроқ New York Times газетаси Тиллерсоннинг ўрнини МРБ директори Майк Помпео эгаллашини маълум қилганди.