Польшада чиқиндихонада ярим миллион евро топиб олинди

Польшанинг Колобжега шаҳри чиқиндихонаси ходимлари эски чангютгич ичида ярим миллион евро топиб олишди, деб маълум қилди Калининграддаги польяк маданият маркази.

"Колобжегадаги чиқиндихона ходимлари ўзларини бир онга ҳақиқий миллионерлар деб ҳис қилишди. Улар чиқиндилар уюмида злотий ва евро қоғоз пуллари дасталарини кўриб қолишган. Бу ҳали тасдиқланмаган бўлса-да, уларнинг қиймати ярим миллион еврогачани ташкил қилган бўлиши мумкин", дейилмоқда хабарда. 

Чиқиндихона ходимларининг айтишича, пуллар динамик ва чангютгич ичига яшириб қўйилган бўлган ва чиқиндихонадаги транспортировкалаш тасмасида сочилиб кетган. Ишчилар бу ҳақда полицияга хабар беришгандан кейин пуллар улардан олинган.

TVN24.pl’нинг ёзишича, пулларнинг эгаси Колобжегада яшовчи аёл бўлган. Аёл воқеа жойида пулларни яширган жойи ҳақида айтиб бергач, пуллар унга қайтарилган.