Samarqandda “Tramadol” psixotrop dorisini olib yurgan shaxs ushlandi

O‘zbekiston 09:22 / 20.01.2022 645

Samarqand shahrida YPX xodimlari tomonidan “Tramadol” psixotrop dorisini olib yurgan yo‘lovchini ushlangan. Bu haqda IIV YHXBB xabar bermoqda.

Ma’lum qilinishicha, 2022 yil 17 yanvar kuni soat 18:10 larda, Samarqand shahrida xizmat olib borayotgan YPX xodimlari E.Xolmurodov va I.Jo‘rayev tomonidan, Termiz ko‘chasi bo‘ylab harakatlanib kelayotgan Matiz mashinasi to‘xtatib tekshirilgan.

Tekshiruv davomida mashina yo‘lovchisi, 1967 yilda tug‘ilgan T.A. o‘zining ko‘rinishi va xatti-harakatlari bilan xodimlarda shubha uyg‘otgan. Xolis va guvohlar ishtirokida tekshirib ko‘rilganda T.A.ning yonidan 112 dona "Tramadol" psixotrop dori vositalari topilgan.

Qayd etilishicha, mazkur holat yuzasidan tegishli hujjatlar rasmiylashtirilib, fuqaro T.A. va aniqlangan dori vositalari Samarqand shahar IIBga topshirilgan.

Ko‘proq yangiliklar: