2021 yilda O‘zbekiston aholisi 35 milliondan oshishi mumkin

Jamiyat 16:51 / 19.04.2021 6118

2021 yilning 1 aprel holatiga O‘zbekistonning doimiy aholisi soni 34,7 million kishini tashkil etmoqda, deb ma'lum qildi Davlat statistika qo‘mitasi.

Doimiy aholi soni yil boshidan beri 136,7 ming kishiga oshgan. Bu – O‘zbekiston aholisi har oyda o‘rtacha 45,9 ming kishiga ko‘payayotganini anglatadi.

2021 yilning har bir kunida doimiy aholi soni o‘rtacha 1,5 ming kishiga oshgan.

1 aprel holatiga, doimiy aholining 17,2 million nafari – ayollar, 17,4 million nafari – erkaklar.

Ma'lumot uchun, 2020 yilda O‘zbekiston aholisi 653,7 ming kishiga ko‘payib, yil so‘ngida 34,5 million kishini tashkil etgandi. O‘tgan yili aholi soni har oyda o‘rtacha 54,5 ming kishiga oshgan.

Ko‘proq yangiliklar: