Germaniyada havo harorati bir haftada 41 darajadan ko‘proqqa – minus 23 darajadan plyus 18 darajaga ko‘tarildi. Bu haqda The Local nashri xabar bermoqda.

Meteorologlarning ma'lumot berishicha, 14 fevral kuni Gettingenda harorat minus 23,8 darajani tashkil etgan. Oradan bir hafta o‘tib, 21 fevral kuni havo harorati plyus 18,1 darajaga teng bo‘lgan.

Shu tarzda, bir hafta ichida harorat o‘zgarishi 41,9 darajani tashkil etdi.

Ma'lumotlarga ko‘ra, avvalgi rekord 1880 yil may oyida qayd etilgan. O‘shanda havo harorati bir hafta ichida 41 darajaga o‘zgargan.