Qoʻshimcha funksionallar
-
Tungi ko‘rinish
Sumi viloyatida Rossiya hujumi oqibatida uch kishi halok bo‘ldi
Rossiyaning Sumi viloyatiga hujumi oqibatida halok bo‘lganlar orasida sakkiz yoshli bola, shuningdek, bir erkak va bir ayol bor, deya xabar bermoqda mahalliy hokimiyat. Rossiyaning Xarkivga hujumi oqibatida yana uch kishi yaralandi.

Foto: Ukraina favqulodda vaziyatlar davlat xizmati
24 iyun, seshanbaga o‘tar kechasi Ukrainaning Sumi viloyatining Verxnesirovatskaya jamoatida Rossiyaning UUA yordamida uyushtirilgan yirik hujumi natijasida kamida uch kishi halok bo‘ldi: bir erkak, bir ayol va sakkiz yoshli bola. Bu haqda viloyat harbiy ma’muriyati (VHM) rahbari Oleg Grigorov Telegramʼda xabar berdi.
Uning postida, xususan, bolaning jasadi vayron bo‘lgan uy ostidan chiqarilgani aytiladi. Qurbonlar turli oilalardan bo‘lgan, biroq bir ko‘chada yashagan, deya aniqlik kiritadi Grigorov. Uning so‘zlariga ko‘ra, Rossiya hujumidan so‘ng vayronalar ostidan yana uch kishi chiqarib olingan, ularning barchasi kasalxonaga yotqizilgan. Ulardan birining ahvoli og‘ir.
«Uylar vayron bo‘ldi. Zarbalardan so‘ng yong‘in chiqdi. Voqea joyida qutqaruvchilar, shifokorlar, barcha xizmatlar ishlamoqda. Odamlarga kerakli yordam ko‘rsatilmoqda», deb yozadi Sumi VHM rahbari.
Xarkiv VHM rahbari Oleg Sinegubov ham 24 iyunga o‘tar kechasi Rossiya uchuvchisiz uchoqlarining hujumi haqida gapirdi: «Xarkivning Nemishlyanskiy tumanida dushman uchuvchisiz uchog‘ining yerga urilgani natijasida uyning oyna oynalari shikastlangan», — deyiladi uning postlaridan birida.
Sinegubovning so‘zlariga ko‘ra, Nemishlyanskiy tumanidagi fuqarolik korxonasi hududiga jami uchta hujum qayd etilgan. Gap qaysi korxona haqida ketayotgani aytilmagan.
O‘z navbatida, Xarkiv meri Igor Terexov Telegramʼda 24 iyunga o‘tar kechasi Rossiya shaharga yettita Shahed dronlari bilan hujum qilgani haqida xabar berdi. «Biri portlamay qoldi, qolganlari uchta joyga urildi – ulardan ikkitasi Nemishlyanskiy tumani xususiy sektorida, bittasi Saltovskiydagi fuqarolik korxonasida», — deyiladi uning postida. Terexovning so‘zlariga ko‘ra, rossiyaliklarning hujumi oqibatida uch kishi yaralangan.
Tavsiya etamiz
Yevropa Ittifoqining 18-sanksiyalar paketi Rossiyaga qanday ta’sir qiladi?
Jahon | 23:12 / 21.07.2025
Uy sotib olishda aldanib qolmaslik uchun nimalarga e’tibor qilish kerak?
Ko‘chmas mulk | 16:30 / 21.07.2025
Super-kontraktni bo‘lib-bo‘lib to‘lash mumkinmi?
Ta’lim | 11:29 / 21.07.2025
Davlat OTMga qabul kvotalari tasdiqlandi
Ta’lim | 11:09 / 21.07.2025
So‘nggi yangiliklar
-
Prezidentning Jizzaxga tashrifi, ijtimoiy obektlarning geoportali, shahodatnomadagi baholarning imtihonda inobatga olinmasligi – mahalliy dayjest
O‘zbekiston | 22:54
-
Eron davlat xodimlarining iPhone’lari Isroil bilan urush oldidan kiberhujumga uchradi – OAV
Jahon | 22:18
-
Farg‘onada shifokor adashib bemorning sog‘lom oyog‘ini kesib tashladi
Jamiyat | 21:52
-
Ukraina va Rossiya delegatsiyalari shu hafta Istanbulda uchrashishi kutilmoqda
Jahon | 21:43
Mavzuga oid

23:01
AQSh Trampning yangi muddati davomida Ukrainaga birinchi harbiy yordam shartnomasini e’lon qildi

21:43
Ukraina va Rossiya delegatsiyalari shu hafta Istanbulda uchrashishi kutilmoqda

16:04
Rossiyada Roza Lyuksemburg jamg‘armasi «nomaqbul» deb e’lon qilindi

15:45