Jo Bayden saratonga chalingani e’lon qilinganidan keyin birinchi marta omma oldida ko‘rinish berdi

AQSh sobiq prezidenti Jo Bayden prostata bezi saratoniga chalingani e’lon qilinganidan beri birinchi marta ommaviy tadbirda ishtirok etdi, deb xabar beradi NBC News.

Qayd etilishicha, Bayden 23 may kuni nabirasi Robert Hanter Baydenning Solsberi shahrida bo‘lib o‘tgan bitiruv kechasiga tashrif buyurgan. Tadbirda olingan suratni Baydenning rafiqasi Jill va uning qizi Eshli Instagram sahifalariga joylagan. «Tabriklaymiz, Hanter — biz sen bilan faxrlanamiz», — deb yozadi Jill Bayden.

18 may kuni Jo Bayden vakillari AQShning sobiq prezidentiga prostata bezi saratoni tashxisi qo‘yilganini ma’lum qildi. Shifokorlar so‘zlariga ko‘ra, kasallik Baydenning allaqachon suyaklariga o‘tib ketgan va bu kasallikning eng xavfli bosqichi, uni davolab bo‘lmaydi. Shu bilan birga, onkologiya sohasidagi yetakchi mutaxassislar zamonaviy tibbiyot bunday tashxis qo‘yilgan bemorlarga yaqinda bo‘lgani kabi oylar emas, balki yillar davomida yashashga imkon berishini ta’kidladi.

Ushbu xabarlar tarqalgach, Bayden o‘zini va oilasini qo‘llab-quvvatlayotganlarga minnatdorchilik bildirdi. «Saraton barchamizga ta’sir qiladi. Ko‘pchiligingiz kabi Jill va men ham qiyin bo‘lgan vaziyatda eng kuchli ekanimizni bilib oldim. Bizga muhabbat va qo‘llab-quvvatlash bilan dalda berayotganingiz uchun tashakkur», deb yozdi Bayden ijtimoiy tarmoqda.