Qoʻshimcha funksionallar
-
Tungi ko‘rinish
2026 yildan O‘zbekistonda AES sovitish tizimlarini ishlab chiqarish boshlanadi
O‘zbekistonda atom elektr stansiyasi uchun quruq sovitish tizimlarini ishlab chiqarish 2026 yilda boshlanishi rejalashtirilyapti. O‘zbekiston prezidentining Vengriyaga tashrifi doirasida «O‘zatom» va MVM EGI kompaniyasi atom energetikasi sohasida hamkorlik qilish bo‘yicha kelishuvga erishdi. Kelishuv ilmiy tadqiqotlar o‘tkazish, yangi texnologiyalarni ishlab chiqish va joriy etish, texnologiyalarni mahalliylashtirish, zarur infratuzilmani yaratish kabilarni ham o‘z ichiga oladi.

«O‘zatom» va Vengriyaning MVM EGI davlat korxonasi atom energetikasi sohasida hamkorlik qilish bo‘yicha kelishuvga erishdi. Bu haqda agentlik matbuot xizmati xabar qildi.
O‘zbekiston prezidentining Vengriyaga tashrifi doirasida tomonlar hamkorlik to‘g‘risidagi bitim va anglashuv memorandumi imzolagan.
«Hamkorlik to‘g‘risidagi bitim ilmiy tadqiqotlar o‘tkazish, yangi texnologiyalarni ishlab chiqish va joriy etish, atom elektr stansiyalarida quruq sovitish tizimlarini yetkazib berish va amalda tatbiq qilish, texnologiyalarni mahalliylashtirish, zarur infratuzilmani yaratish, shuningdek, mutaxassislarni tayyorlash va ularning malakasini oshirish dasturlarini tashkil etishni nazarda tutadi», deyiladi «O‘zatom» xabarida.
«O‘zatom» rahbari Azim Ahmadxo‘jayevga ko‘ra Vengriya tomoni O‘zbekistonda atom elektr stansiyalari uchun quruq sovitish tizimlarini ishlab chiqarishni yo‘lga qo‘yishni taklif qilgan.
«Prezident atom elektr stansiyalari uchun energiya tejamkor va rivojlangan texnologiyalarni olib kelish bo‘yicha topshiriq bergan. Vengriyada eng yaxshi rivojlangan texnologiya bu — quruq sovitish tizimlari. Bu tizimlar bizga eng past darajada suvni ishlatish imkonini beradi, chunki reaktorlarni sovitish uchun juda ko‘p hajmda suv kerak bo‘ladi», — dedi Ahmadxo‘jayev O‘zbekiston 24 telekanaliga bergan intervyusida.
Uning qo‘shimcha qilishicha, 2026 yildan O‘zbekistonda AES sovitish tizimlarini ishlab chiqarish boshlanadi.
«Kelgusi yildan bu tizimlarni ishlab chiqarishga o‘tamiz. Bundan tashqari, Vengriyadagi hamkorlarimiz tomonidan ushbu tizimlarni ishlab chiqarish uchun O‘zbekistondagi imkoniyatlarni ham o‘rganish taklifi bo‘ldi. Aynan shu masala bo‘yicha kelasi oydan boshlab bizga katta delegatsiya keladi. Ular barcha imkoniyatlarni o‘rganib chiqadi va ishlab chiqarishni tashkillashtirishga o‘tamiz», — dedi «O‘zatom» rahbari.
Tavsiya etamiz
Yevropa Ittifoqining 18-sanksiyalar paketi Rossiyaga qanday ta’sir qiladi?
Jahon | 23:12 / 21.07.2025
Uy sotib olishda aldanib qolmaslik uchun nimalarga e’tibor qilish kerak?
Ko‘chmas mulk | 16:30 / 21.07.2025
Super-kontraktni bo‘lib-bo‘lib to‘lash mumkinmi?
Ta’lim | 11:29 / 21.07.2025
Davlat OTMga qabul kvotalari tasdiqlandi
Ta’lim | 11:09 / 21.07.2025
So‘nggi yangiliklar
-
Britaniyada depressiyaga chalingan odamlarga futbolga borish tavsiya etildi
Sport | 23:20 / 22.07.2025
-
AQSh Trampning yangi muddati davomida Ukrainaga birinchi harbiy yordam shartnomasini e’lon qildi
Jahon | 23:01 / 22.07.2025
-
O‘zbek-qozoq chegarasidagi tunnel, ijtimoiy obektlar geoportali va Jizzaxga tashrif – mahalliy dayjest
O‘zbekiston | 22:54 / 22.07.2025
-
Eron davlat xodimlarining iPhone’lari Isroil bilan urush oldidan kiberhujumga uchradi – OAV
Jahon | 22:18 / 22.07.2025
Mavzuga oid

07:34 / 21.07.2025
Budapesht: Yevropa Ittifoqi budjetining 20 foizi Kiyevga ketadi

16:48 / 13.07.2025
Vengriyadagi eng qadimiy kutubxona qo‘ng‘izlar sabab yuz minglab kitoblaridan ayrilishi mumkin

09:38 / 08.07.2025
Vengriya O‘zbekistonda Usmoniylar davriga oid eksponatlarni namoyish etmoqchi

16:17 / 07.07.2025