O‘zbekistonlik bokschilar Polshadagi turnirda birinchi bo‘ldi

Boks bo‘yicha O‘zbekiston jamoasi Polshada yakunlangan Jahon kubogining ikkinchi bosqichida g‘alaba qozondi. Sportchilar 6 ta oltin, 1 ta kumush va 2 ta bronza medalini qo‘lga kiritib, umumjamoa hisobida birinchi o‘rinni egalladi, deya xabar berdi Milliy olimpiya qo‘mitasi.

Oltin medallarni qo‘lga kiritganlar:

• Mirazizbek Mirzaxalilov (-55 kg)
• Asadxo‘ja Mo‘ydinxo‘jayev (-65 kg)
• Fazliddin Erkinboyev (-75 kg)
• Javohir Ummataliyev (-80 kg)
• Akmaljon Isroilov (-85 kg)
• Jahongir Zokirov (+90 kg).

-57 kg vazn toifasida Xumorabonu Mamajonova kumush, -60 kg vazn toifasida Samandar Olimov va -70 kg vazn toifasida G‘ofurjon Tohirov bronza medaliga sazovor bo‘ldi.

Braziliyada o‘tgan birinchi bosqichda terma jamoa 5 ta oltin medalni qo‘lga kiritgandi.