Andijonda «Zil» yuk mashinasi yonib ketdi
Yong‘inga transport vositasining elektr simlaridan chiqqan qisqa tutashuv sabab bo‘lgan.

Foto: IIBB YHXB axborot xizmati
Andijon viloyati IIBB Yo‘l harakati xavfsizligi boshqarmasi Asaka tumanida yuk mashinasi yonib ketgani yuzasidan ma’lumot berdi.
Qayd etilishicha, 19 mart kuni soat 22:00 larda Asaka tumani Navoiy MFY hududidan o‘tgan A-373 xalqaro ahamiyatga ega avtomobi yo‘lida 31 yoshli U.Sh. boshqaruvidagi «Zil-130» yuk mashinasida yong‘in chiqqan.
Ta’kidlanishicha, yong‘inga transport vositasining elektr simlaridan chiqqan qisqa tutashuv sabab bo‘lgan.
Ushbu yong‘in FVB Oltinko‘l tuman bo‘limi xodimlari tomonidan bartaraf etilgan. Hodisa oqibatida hech kim jabrlanmagan.
Yong‘in yuzasidan hozirda tergovga qadar tekshiruv harakatlari Asaka tumani FVB tomonidan olib borilmoqda. «Barcha haydovchilardan transport vositasini boshqarishdan avval uning texnik sozligiga ishonch hosil qilgandan so‘ng yo‘lga chiqishlarini so‘raymiz», — deyiladi xabarda.
Bir necha kun oldin Zomin tumani Dashtobod shaharchasida «Zil-130» rusumli yuk avtomobilida yong‘in chiqqani to‘g‘risida xabar berilgandi.
Mavzuga oid

13:02 / 19.03.2025
Abu-Saxiy bozorida yong‘in chiqqani rad qilindi

15:37 / 16.03.2025
Shimoliy Makedoniyadagi tungi klubda yuz bergan yong‘in oqibatida kamida 50 kishi halok bo‘ldi

23:20 / 11.03.2025
Angren shahrida yuk mashinasi yonib ketdi

23:03 / 11.03.2025